SARANDË- Një aksident i rëndë ka ndodhur në aksin rrugor Stjar-Bajkaj të Sarandës, ku një i mitur, duke drejtuar një automjetin tip “Benz”, ka humbur kontrollin dhe ka dalë nga rruga, duke përfunduar në përrua.
Nga aksidenti kanë mbetur të lënduar shoferi 14-vjeçar si dhe dy bashkëmoshatarët e tij.
Autoambulancat i kanë transportuar adoleshentët në Spitalin e Sarandës, dhe sipas burimeve, njëri prej të miturve është në gjendje të rëndë i intubuar, dhe dyshohet se ka pësuar goditje të rëndë në kokë.
Blutë bëjnë me dije se automjeti është bllokuar dhe dyshohet se është në pronësi të babait të njërit prej adoleshentëve.
Report Tv ka siguruar pamjet kur nxirret Benzi që ra në përrua me tre adoleshentë brenda në aksin rrugor Stjar-Bajkaj, në Sarandë.