Një aksident me vdekje ka ndodhur këtë mbrëmje rreth orës 17:40 në Golem të Lushnjës. Ka ndërruar jetë një këmbësor që është përplasur nga një makinë tip "Volkswagen", ndërsa në polici është shoqëruar shoferi i mjetit.
Sipas policisë, këmbësori ka kaluar permës aksit nacional duke tentuar të dalë në anën tjetër të rrugës. Pranë trafikndarëses, automjeti tip "Volkswagen" e ka perplasur në pjesën e përparme. Vdekja ka qenë e menjëherhme thotë policia, ndersa në kanë mbetur atletet e viktimës.
"Rreth orës 17:40, në Golem, Lushnjë, automjeti tip "Volkswagen" me drejtues shtetasin S. V., 64 vjeç, banues në Pojan, ka aksidentuar me pasojë vdekjen një shtetas, ende i paidentifikuar. U shoqërua drejtuesi i mjetit në Komisariat, me të cilin po kryhen veprimet procedurale", njofton policia.
Zona e Golemit është e pandriçuar dhe mjetet lëvizin me shpejtësi. Në muajin nëntor dy këmbësore mbetën viktima në këtë aks i cili është bërë njollë e zezë për aksidentet. Grupi hetimor po punon për zbardhjen e shkakut të aksidentit.
B.K//ReportTv.al