Një aksident ka ndodhur në autostradën Tiranë-Durrës, mbrëmjen e sotme. Bëhet e ditur se janë përfshirë në aksident mjeti me drejtues shtetasin E. B., me mjetin e ambulancës të spitalit të Fierit.
Si pasojë e aksidentit, janë dëmtuar pacientja që ndodhej në ambulancë, shtetasja K. V., 26 vjeçe, dhe pasagjerja e mjetit tjetër, shtetasja R. B., 38 vjeçe, të cilat ndodhen në spital, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit. Për pasojë në autostradë është krijuar një trafik i rënduar.
M.Q./ReportTv.al
Komento
