Një i ri gjeti vdekjen, pasi humbi kontrollin e automjetit dhe u përplas me barrierat anësore të rrugës.
Aksidenti ndodhi rreth orës 18:00 të së dielës në autostradën Milot-Thumanë, pranë mbikalimit të Patokut, ndërsa viktimë e këtij aksidenti mbeti shtetasi me iniciale D.Gj 24-vjeç banues ne Laç.
Ai ndërroi jetë disa minuta pas aksidentit në spitalin e Traumës në Tiranë, pasi nuk mundi t’u mbijetojë plagëve të marra.
Policia e cila mbërriti në vendin e ngjarjes nisi hetimet për zbardhjen e shkaqeve të këtij aksidenti, ndërsa nga të dhënat paraprake bëhet e ditur se shpejtësia me të cilën lëvizte drejtuesi i mjetit tip “BMW”, si dhe lagështira në rrugë janë bërë shkak për aksidentin.
Ndërkohë pak minuta më vonë një tjetër aksident ndodhi në superstradën Lezhë-Milot, pranë kryqëzimit të Rrilës.
Drejtuesi i një automjeti tip “Ford” humbi kontrollin dhe ra në një gropë me ujë, por fatmirësisht nuk mori lëndime dhe pas marrjes së ndihmës parë mjekësore gjendja e tij është e stabilizuar.
Pavarësisht masave të ashpra ndëshkimore nga policia rrugore, aksidentet vijojnë të të jenë shqetësim në rrugët e qarkut të Lezhës, ku vetëm gjate këtij muaj janë regjistruar 6 viktima.
E.M./ReportTv.alKomente
vazhdoni se ne terezi e keni,, ne varreza e keni vendin...
PërgjigjuGjynaf qe esht demtuar trafikndaresja
Përgjigju