Një aksident rrugor është shënuar mesditën e sotme në aksin Korçë-Maliq, ku një mjet ka dalë nga rruga. Për pasojë ka mbetur i plagosur pasagjeri që ndodhej në makinë, i cili është nisur drejt spitalit.
Ngjarja ka ndodhur sot rreth orës 12:33, në aksin rrugor "Korçë-Maliq", pranë fshatit Koritë, një automjet tip "Benz" me drejtues A. K., dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë është dëmtuar I. P., pasagjer në këtë automjet, i cili u dërgua për mjekim në spitalin e Korçës.
Grupi hetimor po punon për zbardhjen e rrethanave të aksidentit.
M.T/ReportTv.al
Komento
