Një aksident ka ndodhur mesditën e 4 janarit 2024 në aksin Librazhd-Elbasan, në vendin e quajtur "Ura e Murrashit".
Kamioni që drejtohej nga shtetasi i Maqedonisë së Veriut, I identifikuar me inicialet G.T është përplasur me automjetin me drejtues shtetasin A. T., banues në Pogradec.
Report Tv ka arritur të sigurojë pamjet që ka filmuar shoferi i kamionit. Si pasojë e aksidentit janë dëmtuar shoferi i makinës së vogël nga Pogradeci dhe pasagjerja në automjetin që drejtonte ky person, të cilët janë dërguar në spital, për kujdes mjekësor.
'Rreth orës 12:15, në aksin rrugor “Librazhd-Elbasan”, në vendin e quajtur "Ura e Murrashit", kamioni që drejtohej nga shtetasi G. T., banues në Maqedoninë e Veriut, është përplasur me automjetin me drejtues shtetasin A. T., banues në Pogradec.
Si pasojë e aksidentit janë dëmtuar shtetasi A. T. dhe pasagjerja në automjetin që drejtonte ky shtetas, të cilët janë dërguar në spital, për kujdes mjekësor. Me shtetasin G. T. po kryhen veprimet e mëtejshme procedurale. Grupi hetimor në vendngjarje po punon për sqarimin e rrethanave të aksidentit.'- njofton policia.
M.Q.//ReportTv.al
