Një aksident masiv ka ndodhur në aksin Kashar-Rinas afër Laknasit, në të cilin janë lënduar lehtë 2 persona.
Në aksident janë përfshirë 5 makina, dhe shkak mendohet se ka qenë lagështira. Të plagosurit po dërgohen me ambulancë në spital, për të marrë ndihmë mjekësore.
Disa patrulla policie dhe autombulanca janë në vendgjarje për sqarimin e rrethanave, ndërsa trafiku është bllokuar.
"Më datë 29.12.2020, në rrugën e “Rinasit”, dyshohet si pasojë e lagështirës janë përfshirë në përplasje 5 mjete. Si pasojë e aksidentit janë dëmtuar lehtë 2 shtetas, të cilët po dërgohen në ambulancë në spital, për të marrë ndihmë mjekësore, jashtë rrezikut për jetën. Grupi hetimor ndodhet në vendngjarje dhe punon për sqarimin e rrethanave të ngjarjes", thotë policia.
