Një ditë pas aksidentit tragjik tek mbikalimi i TEG-ut, ku tre të rinj humbën jetën në mënyrë tragjike, sërish janë regjistruar tre aksidente me pasojë vdekjen në vendin tonë. Mesditën e sotme një 30-vjeçare ka humbur jetën në Kavajë, ndërsa një 58-vjeçar ka ndërruar jetën në Durrës. Ndërsa një tjetër aksident me vdekje ndodhi gjatë mbrëmjes në Korçë.
30-vjeçarja, Rovena Cara ka qenë duke udhëtuar me mjetin e saj dhe dyshohet se për shkak të shpejtësisë ka humbur kontrollin. Mjeti ka dalë nga rruga dhe ka përfunduar në një kanal, ndërsa 30-vjeçarja nuk mundi t’i mbijetojë plagëve të marra.
Ndërkohë, 58-vjeçari ka gjetur vdekjen teksa po udhëtonte me biçikletë, pasi u përplas nga një betoniere. Drejtuesi i betonieres, Petrit Pashaj është shoqëruar në komisariat.
Gjatë orëve të mbrëmjes së të premtes, në aksin rrugor Korçë-Maliq, një makinë ka përplasur këmbësorin Olger Zhuti, 39 vjeç i cili ndërroi jetë pasi u transportua në spital. Shoferi i automjetit u largua nga vendi i ngjarjes, duke mos i dhënë ndihmën e parë viktimës. Ky aks raportohet të jetë tepër problematik për shkak të aksidenteve të shkaktuara si pasojë e mungesës së sinjalistikës dhe kushteve të rrugës së amortizuar.
Një aksident i rëndë ka ndodhur mbrëmjen e sotme në Korçë, ku makina ka përplasur për vdekje 39 vjeçarin, Olger Zhuti, 39 vjeç.
Ngjarja e rëndë ndodhi në vendin e quajtur Lumalas, ku drejtuesi i automjetit u largua nga vendi i ngjarjes pas aksidentit. Aksi rrugor, Korçë-Maliq ku ka ndodhur aksidenti, paraqitet si shumë problematik si pasojë e mungesës së sinjalistikës dhe kushteve të vështira të rrugës.
Një aksident tragjik ka ndodhur në rrugën që ligj Kavajën me Rrogozhinën pranë varrezave të qytetit. Burime bëjnë me dije se si pasojë e aksidentit ka gjetur vdekjen në 33-vjeçare. Makina dyshohet se ka dalë nga rruga për shkak të shpejtësisë.
Komente
HAPNI SYTE O JU SHOFERA KUJDES...ECNI ME KUJDES SE PO VRASIM NJERI TJETRIN O NJEREZ
PërgjigjuEcni me kujdes o njerez se po behet nami me te vdekur perdite
Përgjigju