Njëmbëdhjetë persona kanë humbur jetën në provincën e Kepit Perëndimor të Afrikës së Jugut si dhe Cape Town si pasojë e motit ekstrem.
Reshjet e shumta të shiut dhe erërat e forta kanë shkaktuar përmbytje dhe shkatërrime masive.
Duke marrë parasysh faktin se një pjesë e madhe e territorit është akoma nën pushtimin e ujit, autoritetet vendase besojnë se pa rënë niveli i ujit nuk mund të mbyllet me kaq bilanci i viktimave.
Kontakti i ujit me linjat e energjisë eletrike është shkaku i vdekjes për 8 nga 11 viktimat e shënuar, raporton BBC.
Po ashtu, raportohet se ekipet e shpëtimit kanë zbarkuar në terren në kërkim të njerëzve që dyshohet se mund të jenë bllokuar në shtëpitë e tyre nga niveli i lartë i ujit dhe për të minimizuar dëmet e mëtejshme.
Ministri i Energjisë Elektrike, Kgosientsho Ramokgopa, deklaroi se më shumë se 80 rrugë janë bllokuar dhe se 15 mijë shtëpi nuk kanë energji elektrike.
M.T/ReportTv.al