Megjithëse prej vitesh kishin qenë kundërshtarë dhe kishin ndarë publikun dhe fansat në dy pjesë, Noizy dhe Stresi rregulluan marrëdhënien e tyre pak para se ky i fundit të bëhej pjesë e Big Brother Vip Kosova.
Pavarësisht zënkave, mosmarrëveshjeve e diss-eve për njëri-tjetrin, djemtë sheshuan gjithçka mes tyre duke dhënë një shembull shumë të mirë për të gjithë fansat dhe filluan një raport miqësie ku vazhdimisht qëndronin bashkë dhe kalonin kohë nën shoqërinë e njëri tjetrit.
Madje edhe pas hyrjes së Stresit në Big Brother, Noizy ka treguar disa herë që e mbështet reperin në lojën etij.
Stresi fitoi çmimin e madh dhe tashmë i është kthyer jetës së tij të përditshme, por si i ka marrëdhëniet me Noizy-n? A vazhdon shoqëria e tyre?
Kjo foto e Stresit dhe Noizy-t mbrëmë së bashku, i tregon të gjitha.
“Alpha lifestyle. Suksese Noizy! Albumi më i veçantë”- shkruan Stresi krahas fotos.
Duket se ai ka qenë i pranishëm mbrëmë në sheshin e kryeqytetit, për të mbështetur Noizy-n për promovimin e albumit të tij të ri, që u bë mes fansash.
K.T./ReportTv.al