Kreu i PL-së Ilir Meta nuk e sheh si problematike bashkëpunimin me Berishën ndonëse është non grata. Ai vijon të fajësojë Edi Ramën se përmes, sipas tij, bashkëpunimit me McGonigal si dhe mbajtjes nën kontroll të gjykatave, është krijuar me dirigjim të kryeministrit ky ngërç për Berishën.
“Unë nuk jam këtu për t’ju folur juve për vlerësimet e mia për këto çështje. Unë jam këtu për të shprehur respektin tim të thellë për parimet e demokracisë. Bashkëpunimi ynë pa asnjë diskutim në vlerësimin tim mbetet qendra e gravitetit për shkak të asaj përkrahjeje që ka. Vulën këtu e kanë gjykata e Edi Ramës dhe kuptohet që çdo gjë është shumë e sqaruar. Berisha ka rol të rëndësishëm në këtë drejtim, ka përvojën dhe eksperiencën, bashkëpunimi ynë është për të mbrojtur parimet dhe vlerat tona demokratike.
Lajmi kryesor:
Humbja e thellë në Kukës, justifikohet Meta: Tregues që shteti kontrollon votën! Vijoj bashkëpunimin me Berishën për fuqizimin e opozitës
G.MO/ReportTv.al