Vetëm 6 persona kanë rezultuar pozitivë me koronavirus nga 381 testime të kryera në të gjithë vendin, ndërsa janë shëruar dhe 14 persona përgjatë 24 orëve të fundit. Fatmirësisht nuk është shënuar asnjë humbje jete. Rastet e reja raportohen në këto bashki: 2 në Tiranë, nga 1 qytetarë në Kurbin, Fier, Tepelenë, Kuçovë.
Ministria e Shëndetësisë dhe Mbrojtes Sociale i bën thirrje qytetarëve të mos neglizhojnë vaksinimin anticovid dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit.
Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Janë 167 qytetarë aktivë me Covid19 në të gjithë vendin. Aktualisht në spitalin COVID3 po marrin trajtim 4 pacientë. Janë shëruar 14 qytetarë gjatë 24 orëve të fundit, duke e çuar numrin e të shëruarve në 328,447 që nga fillimi i epidemisë.
Statistika ( 26 Nëntor 2022)
Raste të reja ditore 6
Të shëruar në 24 orë 14
Të shtruar në spitale 4
Humbje jete në 24 orë 0
Testime ditore 381
Testime totale 2,008,302
Raste pozitive 332,208
Raste të shëruara 328,447
Raste Aktive 167
Humbje jete 3,594
Shpërndarja gjeografike e rasteve aktive sipas qarqeve:
Tiranë 140
Gjirokastër 9
Fier 6
Berat 4
Vlorë 3
Shkodër 1
Durrës 1
Kukës. 1
Dibër. 1
Lezhë. 1
S.C/ReportTv.al