GREQI- Mijëra njerëz marshuan në qendër të Athinës të premten për të shënuar 50-vjetorin e një kryengritjeje studentore pro-demokratike që u shtyp dhunshëm nga diktatura ushtarake që sundonte Greqinë në 1973.
Marshimi vjetor nisi nga kampusi i Politeknikut, që ishte selia e kryengritjes, dhe u drejtua drejt Ambasadës së SHBA. Amerika ende fajësohet gjerësisht në Greqi për mbështetjen e diktaturës së djathtë të viteve 1967-74 gjatë Luftës së Ftohtë.
Mediat e huaja shkruajnë se shumë nga protestuesit mbanin flamuj palestinezë në duar, ndërsa marshimi u parapri nga një grup studentësh që mbanin një flamur grek të spërkatur me gjak, që valonte në Politeknik gjatë ngjarjeve të vitit 1973.
B.V/ReportTv.al
Komento
