Shoqata Botërore e Atletikës, "World Athletic" ka vendosur që të akordojë një çek prej 50 mijë dollarësh për të gjithë sportistët që fitojnë një medalje të artë në Olimpiadë, duke nisur nga "Paris 2024".
Tanimë fituesit nuk do e kenë më suksesin vetëm për prestigj, por kjo do të përkthehet në të ardhura konkrete, veç atyre që çdo shtet apo federatë akordon për sportistët e vendeve përkatëse.
Kështu, edhe Luiza Gega, kampionia e 3 mijë metrave me pengesa ka një shanse në "Paris 2024" për të fituar medaljen e artë dhe kështu t'i shtojë zerot në llogari, duke qenë se tanimë Atletika ka vendosur shpërblim për medaljet e arta.
"Shpërblimi i atletëve dhe atleteve, të cilët përfundojnë në shkallën më të lartë të podit në Lojrat Olimpike është një moment kyç për atletikën si disiplinë. Ky hap nënvizon angazhimin tonë për të fuqizuar atletët dhe për të njohur rolin kyç që luajnë në suksesin e Lojërave Olimpike”, tha Presidenti i “WA”, Sebastian Coe.
S.DH/ReportTv.al