5 ditë pas denoncimit të familjarëve në policinë e Kukësit, ende nuk ka asnjë gjurmë për Meledin Adilin, 26-vjeçarin nga Borja, i cili humbi në Bjeshkët e Sharrit, ne kufirin Shqipëri – Kosovë.
Prej ditësh banorët e zonës, Policia e Kosovës dhe Kukësit janë të angazhuar një operacion kërkim –shpëtimi i cili po vazhdon ende. Sipas një njoftimi të Policisë së Kosovës, nga 5 shtator operacioni është zgjeruar dhe në këtë operacion përveç policisë së Kosovës dhe Kukësit janë përfshirë FSK –ja, Shoqata e Kosovës për Kërkim-Shpëtim dhe vullnetar.
Ndërkohë operacionit i është bashkuar edhe Njësia e Reagimit të Shpejt si dhe hetuesit rajonal te Dragashit për të marr rastin në kompetencë. Përveç personelit të përfshirë në këtë rast, FSK-ja ka përdorur për kërkim edhe qentë e terrenit dhe motoçikleta me 4 rrota për teren malore.
Po ashtu Policia e Kukësit ka përdorur për kërkim edhe qentë e terrenit dhe motoçikleta me 4 rrota për teren malore.Po ashtu Policia e Kukësit ka përdorë dhe vazhdon ta përdor dronin. 26-vjeçari Medelin Adili humbi të hënën e 5 shtatorit teksa po mblidhte boronica në bjeshkët e Sharrit të Kosovës.
Prania e mjegullës ka shkaktuar dhe humbjen e rrugës në kthim të të riut. Atë ditë doli në bjeshkët e fshatit Brod, Komuna e Dragashit për të mbledhë Boronica, kur shokët e tij janë kthyer nga bjeshka ai nuk është kthyer.
D.GJ/ReportTv.al