Gazetari i Report Tv, Elvis Hila zbardh detaje nga ngjarja e rëndë në Kodër Rrëshen, ku mësohet se Fatmir Kalocaj ka shkuar në banesën e ish-bashkëshortes së tij për të marrë 3 fëmijët që kishin bashkë. Mes debateve për të mos i dhënë fëmijët, autori ka nxjerrë armën dhe ka qëlluar ndaj ish-gruas Esmeralda Filopatit dhe vëllait të saj, Vledisonit, duke i lënë të pajetë.
Për ngjarjen e rëndë po merren në pyetje edhe familjarët e të ndjerëve Filopati, ndërkohë që mësohet se gjatë tre viteve pas divorcit, Esmeralda dhe Fatmiri të kenë pasur konflikte të vazhdueshme.Shkak dyshohen fëmijët, që 47-vjeçari nuk ka mundur t'i marrë ligjërisht edhe për shkak të historikut që kishte pasur më parë me dënimin për dhunë në familje. Pikërisht këto konflikte ishin bërë shkak për ndërprerjen e martesës.
Lajmi kryesor:
Ish-bashkëshorti vret në oborrin e shtëpisë në Rrëshen nënën e 3 fëmijëve dhe vëllanë e saj, në ndjekje të autorit RENEA e FNSH (VIDEO)
G.M.//ReportTv.al