6 muaj afat ka komisioni i pavarur i kualifikimit për të kaluar në vetting 315 gjyqtarë e prokurorë të cilët nuk i janë nënshtruar ende kontrollit. Ndërsa në parlament ndodhet drafti për zgjatjen e afatit të “vetting” deri në 2024 ky proces do të nis me seancën e parë për vitin 2022 më datë 6 Janar.
Subjekti që do të çelë siparin e vettingut për 2022 është gjyqtarja Rudina Palloj e gjykatës së Beratit. Përgjatë 4 vite e gjysmë që lamë pas procesit të vetting i janë nënshtruar 487 subjekte ku mbi 40 % e tyre janë shkarkuar për probleme me pasurinë.
Ndër subjektet që pritet t’i nënshtrohen procesit të vetting janë gjyqtarë e prokurorë të apeleve dhe shkallëve të parë të cilët pritet të shtojnë edhe më shumë vakancat në sistemin e drejtësisë.
Fillimisht vetingu nisi me hierarkinë e drejtësisë duke kaluar në skaner gjyqtarët kushtetues, të lartë e drejtuesit e prokurorive përfshi edhe ata të strukturës së posaçme kundër krimit e korrupsionit njohur si SPAK.
K.T.//ReportTv.al