TIRANË- 309 raste të reja janë konfirmuar me COVID-19 gjatë 24 orëve të fundit në vendin tonë. Sipas ministrisë së Shëndetësisë, dy persona të moshave 47 dhe 79 vjeç kanë humbur jetën, ndërsa aktualisht të shtruar në spitalet COVID janë 145 pacientë. Fatkeqësisht,17 prej tyre, bëhet e ditur se janë në gjendje më të rënduar.
“Ju informojmë për situatën në 24 orët e fundit, si vijon: Janë kryer 2,706 testime, nga të cilat kanë rezultuar pozitivë me COVID19, 309 qytetarë, në këto bashki: 146 në Tiranë, 31 në Fier, 9 në Vlorë, 8 në Skrapar, Elbasan, 7 në Durrës, Kavajë, 6 në Mallakastër, Korçë, 5 në Kamëz, Delvinë, Gjirokastër, 4 në Kurbin, Krujë, Përmet, Tepelenë, Kuçovë, Belsh, Gramsh, 3 në Tropojë, Selenicë, Memaliaj, Devoll, 2 në Shkodër, Lezhë, Mirditë, Dibër, Lushnje, Himarë, Këlcyrë, Berat, 1 në Malësi e Madhe, Kukës, Shijak, Vorë, Mat, Rroskovec, Sarandë, Poliçan, Cërrik, Librazhd”, njofton Ministria e Shëndetësisë.
Aktualisht janë 5,554 pacientë aktivë me COVID19 në të gjithë vendin, teksa ministria e Shëndetësisë, bën apel për vaksinim si e vetmja mënyrë për të parandaluar përhapjen e COVID-19.
“Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqendruar. Vaksinat anti-COVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku. Gjithashtu ka nisur vaksinimi me dozën e tretë për të gjithë qytetarët +18 vjeç që kanë kaluar 6 muaj nga kryerja e dozës së dytë”, thuhet në njoftim.
Statistika (11 Dhjetor 2021)
Raste të reja ditore 309
Të shëruar në 24 orë 386
Të shtruar në spitale 145
Humbje jete në 24 orë 2
Testime ditore 2,706
Testime totale 1,419,120
Raste pozitive 203,524
Raste të shëruara 194,838
Raste Aktive 5,554
Humbje jete 3,132
Shpërndarja gjeografike e rasteve aktive sipas qarqeve
Tiranë 2,718
Fier 623
Gjirokastër 567
Shkodër 379
Durrës 313
Berat 225
Elbasan 242
Vlorë 182
Lezhë 121
Korçë 89
Kukës 48
Dibër 47
B.K./ReportTv.al
