FT/ Shqipëri 2 - 0 Moldavi (Asani 52', Bajrami 76')
Euro 2024, grupi E
TIRANË - Kombëtarja shqiptare e futbollit fitoi 2-0 me Moldavinë në "Air Albania". Për grupin E kualifikues të Euro 2024, kuqezinjtë iu falën golave të Asanit në të 52 minutë dhe Bajramit në të 76 minutë. "Shqiponjat" marrin fitoren e parë në ndeshjen e dytë në grup, teksa pas humbjes me Poloninë në Varshavë, Sylvinho debuton me tri pikë në Tiranë.
Pjesa e parë nisi me dominimin e tanëve, teksa në të 21 minutë ishte Sokol Cikalleshi që tronditi traversën mike nga jashtë zone. E majta e kavajasit u stampua në shtyllë, teksa kuqezinjtë patën disa raste shënimi edhe me Bajramin dhe Uzunin. Pjesa e parë u mbyll me rrjeta të paprekura, ndërsa gjithçka iu la fraksionit të dytë.
Në të 52 minutë ishte Jasir Asani që me të majtë shtangu portierin mik nga jashtë zone, për të zhbllokuar ndeshjen. Edhe pas këtij momenti tanët vijuan me sulmet dhe Nedim Bajrami në të 76 minutë shënoi golin e dytë pas asistit të Asllanit. Me këtë sukses, Shqipëria mban vendin e tretë në grup me tri pikë pas dy ndeshjeve. Kuqezinjtë luajnë në datën 20 qershor në transfertë kundër Ishujve Faroe, me fitoren që është detyrim për këtë grup. Pas fitores 0-3 me Ishujt Faroe, Çekia mban vendin e parë në grupin E.
Komentet kryesore:
90+5' Mbyllet ndeshja, Shqipëria fiton 2-0 me Moldavinë.
76' Shqipëri 2-0 Moldavi. Nedim Bajrami përfiton nga asisti i Asllanit dhe shënon golin e dytë për Shqipërinë.
67' Shqipëria bën dy zëvendësime, dalin Bare dhe Asani, në lojë Asllani dhe Mehmeti.
52' Shqipëri 1-0 Moldavi. Jasir Asani kalon kuqezinjtë në avantazh, supergol nga hyrja e zonës. Festë në stadium nga tifozët.
46' Fillon pa zëvendësime pjesa e dytë.
45+2 ' Mbyllet 0-0 pjesa e parë.
22' Mario Mitaj merr karton të verdhë për simulim në zonë.
21' Cikelleshi provon nga jashtë zone dhe godet traun e portës.
8' Bajrami godet për tanët, ndal Rata.
1' Nis ndeshja në Tiranë.
Renditja e grupit E:
Pragndeshja/ Përballja ka "nisur" pesë orë më përpara, me grupimin "Tifozat Kuq e Zi" që kanë nisur festën në rrugët e Tiranës. Një pjesë e anëtarëve që janë nga të gjitha trojet shqiptare shihen në sheshin "Gjergj Kastrioti" duke kënduar këngë patriotike. Nisur dhe nga situata në veri të Kosovës dhe konflikti me Serbinë, TKZ dëgjohen duke thënë ''Pa u farue djem e çika, jo nuk ndahet Mitrovica", kjo si vargjet e një kënge patriotike.
Trajneri Sylvinho edhe në bazë të protokolleve të UEFA ka bërë përzgjedhjen e 23 futbollistëve ku do mbështetet në mbrëmjen e sotme. Tre lojtarët e lënë në tribunë për këtë ndeshje janë portieri Simon Simoni si dhe mbrojtësit Adrian Bajrami dhe Andi Hadroj. Braziliani ka ftuar disa lojtarë më shumë për duelet me Moldavinë dhe Ishujt Faroe, me tre emrat më sipër që janë të sakrifikuar. Këtë sfidë e gjykon holandezi Dennis Higler. Kujtojmë se për këtë duel mungojnë Broja, Kumbulla, Gjasula dhe Balliu për shkak të dëmtimeve.
Formacionet zyrtare:
Shqipëria (4-3-3): Berisha, Mitaj, Ismajli, Gjimshiti, Hysaj, Bare, Ramadani, Bajrami, Asani, Uzuni, Cikalleshi Trajner: Sylvinho
Moldavia (5-3-2): Railean, Posmaç, Mudraç, Craciun, Reabçiuk, Baboglo, Revenço, Rata, Motpa, Damaskan, Nikolaesku Trajner: Serghei Clescenco
Kombëtarja shqiptare e futbollit fitoi 2-0 me Moldavinë në "Air Albania". Pas fitores në stadiumin ‘Air Albania’ tifozët kanë festuar bashkë me futbollistët e kombëtares, ndërsa atmosfera në stadium ka qenë elektrizuese.
Për grupin E kualifikues të Euro 2024, kuqezinjtë iu falën golave të Asanit në të 52 minutë dhe Bajramit në të 76 minutë. "Shqiponjat" marrin fitoren e parë në ndeshjen e dytë në grup, teksa pas humbjes me Poloninë në Varshavë, Sylvinho debuton me tri pikë në Tiranë.
76' Shqipëri 2-0 Moldavi. Nedim Bajrami përfiton nga asisti i Asllanit dhe shënon golin e dytë për Shqipërinë.
52' Shqipëri 1-0 Moldavi. Jasir Asani kalon kuqezinjtë në avantazh, supergol nga hyrja e zonës. Festë në stadium nga tifozët.
21' Shqipëri 0-0 Moldavi. Sokol Cikalleshi lëshon një të majtë nga jashtë zone, me sferën që stampohet në traversë. Rast i mirë për tanët.
Kombëtarja shqiptare e futbollit po luan sot në 20:45 kundër Moldavisë në "Air Albania". Prezent në stadium është edhe kryeministri i vendit, Edi Rama. I shoqëruar nga djali i vogël Zaho dhe bashkëshortja Linda, Rama këtë herë ndjek nga tribuna VIP Kombëtaren.
Kombëtarja shqiptare e futbollit po luan sot në 20:45 kundër Moldavisë në "Air Albania". Himni kuqezi është kënduar nga gjithë stadiumi, ndërsa lojtarët e Kombëtares kanë qenë me dorën në zemër dhe himnin në buzë.
Atmosferë fantastike e shoqëruar me këngë patriotike dhe mbështetje për djemtë e Kombëtares. Kjo është situata 30 minuta para nisjes së ndeshjes mes Shqipërisë dhe Moldavisë që zhvillohet sot në 20:45 në "Air Albania", e vlefshme për grupin E kualifikues të Euro 2024. Të gjitha biletat për këtë duel janë të shitura, me pritshmëritë që janë të mëdha për tri pikë nga tanët.
Kombëtarja shqiptare e futbollit luan sot në 20:45 kundër Moldavisë në "Air Albania". Stadiumi do jetë i mbushur 100 përqind, teksa për këtë duel janë shitur të gjitha biletat. Futja e tifozëve në stadium ka nisur më shumë se një orë e gjysmë përpara, me tifozët që vijojnë të jenë në radhë për të zënë vendet e tyre. Atmosfera në stadium pritet e zjarrtë për një duel ku kërkohen tri pikët.
Kombëtarja shqiptare e futbollit luan sot në 20:45 kundër Moldavisë në "Air Albania". Sfida është e vlefshme për grupin E kualifikues të Evropianit 2024, teksa janë shitur të gjitha biletat për mbrëmjen e sotme. Interesit maksimal i është përgjigjur edhe trajneri Sylvinho, që ka hedhur në fushë një formacion sulmues.
Formacionet zyrtare:
Shqipëria: Berisha, Mitaj, Ismajli, Gjimshiti, Hysaj, Bare, Ramadani, Bajrami, Asani, Uzuni, Cikalleshi
Kombëtarja shqiptare e futbollit luan sot në 20:45 kundër Moldavisë në "Air Albania". Trajneri Sylvinho edhe në bazë të protokolleve të UEFA ka bërë përzgjedhjen e 23 futbollistëve ku do mbështetet në mbrëmjen e sotme. Tre lojtarët e lënë në tribunë për këtë ndeshje janë portieri Simon Simoni si dhe mbrojtësit Adrian Bajrami dhe Andi Hadroj. Braziliani ka ftuar disa lojtarë më shumë për duelet me Moldavinë dhe Ishujt Faroe, me tre emrat më sipër që janë të sakrifikuar.
Në "Air Albania" gjithçka duket gati për të mirëpritur ndeshjen mes Shqipërisë dhe Moldavisë, e programuar për sot në 20:45. Dueli vlen për grupin E kualifikues të Europianit 2024. Me fanellat kuqezi dhe me një "look" të ri në dhomat e zhveshjes, gjithçka është gati, teksa në stadium do jenë më shumë se 21.500 tifozë.
Kombëtarja shqiptare e futbollit luan sot në 20:45 kundër Moldavisë në "Air Albania". Përballja ka "nisur" pesë orë më përpara, me grupimin "Tifozat Kuq e Zi" që kanë nisur festën në rrugët e Tiranës. Një pjesë e anëtarëve që janë nga të gjitha trojet shqiptare shihen në sheshin "Gjergj Kastrioti" duke kënduar këngë patriotike. Nisur dhe nga situata në veri të Kosovës dhe konflikti me Serbinë, TKZ dëgjohen duke thënë ''Pa u farue djem e çika, jo nuk ndahet Mitrovica", kjo si vargjet e një kënge patriotike.
Komente
Bravo,fitum,po m'duket se nuk beme ndonjee loje t'bukur.Lojtaret cope cope,futja kot,mbanin topin shume.Me ekipe te tjera,po vazhdum keshtu,nuk kemi gjë ne vijë.Trajneri duhe me bo ekip,ka shume pune.
PërgjigjuNuk e kuptoj pse vijne tifoze nga Kosova dhe perdorin ndeshjen e Shqiperise per politika nacionaliste? Ngelin tifozet Shqiptare pa bileta prej ketyre kukullave te Albin komunistit!
Përgjigju