Deputeti i PS Erion Braçe në ‘Frontline Interview’ në Report Tv u shpreh se në 13 vite drejtësia s’ka bërë asgjë për të shkuar te autorët e 21 janarit. Tashmë që është e lirë të hetojë pas kaq shumë vitesh, Braçe tha se duhet të nxitojnë për të zbardhur autorët e krimit që ai e quan shtetëror.
Pyetje: Sa ka bërë drejtësia për 21 janarin në 13 vite?
Braçe: Për të shkuar te autorët e krimit shtetëror siç thotë gjykata e Strasburgut, drejtësia nuk ka bërë asgjë. Prokurorët janë investuar ta mbyllin këtë çështje e ta varrosin këtë çështje. Vendimi i sotëm hap i parë për ta çuar deri në fund këtë hetim. Asnjë institucion i së drejtës nuk është investuar për drejtësi por që ta mbyllin me sa më pak dëme. Unë pres të hetohet në mënyrë të plotë i gjithë krimi i 21 janarit. Duhet të jetë hetimi që përcakton zinxhirin komandues. Hetimi t’i përcaktojë nga kryeministri deri te pushkatarët
Lajmi kryesor:
'21 Janari' në SPAK, Braçe: U thye muri që pengonte hetimet, drejtësia të nxitojë për zbardhjen e krimit shtetëror! As Enveri s’ka vrarë në mes të ditës
B.K//ReportTv.al