Cristian Shpendi, sulmuesi i Kombëtares U-21 është dëshirë e tre klubeve në Serie A. Djaloshi shënoi 20 gola këtë sezon me Cesenan, duke ndihmuar bardhezinjtë të ngjiten në Serie B pas një mungese gjashtë vjeçare.
Forma e mirë dhe golat kanë tërhequr vëmendjen e shumë klubeve, mes të cilave edhe tre nga Serie A. Për Cristianin 20-vjeçar Sassuolo, Fiorentina dhe Empoli janë në garë për ta bërë të vetin.
Mediet në Itali tregojnë se Empoli mund ta marrë në ekip, duke e bashkuar me binjakun Stiven dhe më pas të dy mund të luajnë të huazuar për një sezon te Cesena në Serie B, me shpresën e ndihmës për ngjitjen në elitën e Italisë.
S.DH/ReportTv.al
Komento
