LEZHË- Një fëmijë i mitur Afgan ka humbur jetën, pasi u mbyt aksidentalisht në ujërat e shatërvanit në kompleksin ku janë të vendosur prej vitit 2021.
Ngjarja ka ndodhur mbrëmjen e së dielës dhe pavarësisht ndihmës së parë, fëmija 2-vjeçar nuk arriti të mbijetojë, pasi kishte konsumuar shumë ujë.
Sipas të dhënave i mituri është shkëputur nga prindërit dhe ka rënë në ujë, ndërsa policia ka nisur hetimet në lidhje me këtë ngjarjes.
Blutë bëjnë me dije se është ngritur një grup i posacëm hetimor për këtë rast, ku po punohet për të dokumentuar me prova ligjore rrethanat e ngjarjes.
Refugjatët afganë janë vendosur në Shëngjin prej verës së vitit 2021, që kur Kabulu u pushtua nga Talebanët dhe një pjesë e tyre vijojnë të qëndrojnë sërish në Shqipëri.
B.K/ReportTv.al
