GJERMANI- Dy aktivistë gjermanë u arrestuan pasi hodhën pure patatesh në një pikturë të Claude Monet, “Mullarët” në një muze në Gjermani për të protestuar kundër prodhimit të karburanteve fosile.
Protestuesit të dielën shënjestruan “Les Meules” të Monet në muzeun Barberini në Potsdam, një qytet në kufirin e Berlinit. Piktura impresioniste, e cila ishte e mbyllur pas xhamit mbrojtës, u shit për 110.7 milionë dollarë në një ankand të vitit 2019.
Aktivistët para arrestimit arritën të shpërndanin në Twitter videon e sulmit, si dhe thirrjen e tyre për ndërgjegjësimin ndaj ndryshimeve klimatike.
Ky incident është sulmi më i fundit ndaj veprave të famshme artistike të kryera nga protestuesit që bënin thirrje për veprim e ndërgjegjësim kundër ndryshimeve klimatike. Në fillim të këtij muaji, aktivistët nga grupi i fushatës Just Stop Oil u arrestuan pasi hodhën supë me domate mbi pikturën “Sunflowers” të Vincent Van Gogh në Galerinë Kombëtare në Londër.
S.C/ReportTv.al