KOSOVË- Kryeministri i Kosovës, Albin Kurti ka pasur një reagim pas dënimit me 12 vite burg nga Gjykata e Hagës, për 2 ish-shefat e shërbimit të sigurimit shtetëror të Serbisë.
Në një postim në ‘Twitter’ Kurti shkruan se Serbia duhet të kërkojë falje dhe të distancohet nga Serbia e Millosheviçit.
Sipas tij, Jovica Stanishiç dhe Franko Simatoviç, janë të njëjtët persona që kanë kryer gjenocid në Kosovë pasi e kryen atë në Bosnjë.
“Dy figura famëkeqe të regjimit të Millosheviçit, Jovica Stanishiç dhe Franko Simatoviç, u dënuan me 12 vjet burg secili për ndihmën dhe mbështetjen e krimeve të kryera nga një njësi speciale e Shërbimit të Sigurimit të Shtetit Serb, Beretat e Kuqe, gjatë luftës në Bosnje në 1992. Këta janë të njëjtët persona, strukturat e të cilëve pas Bosnjës kryen gjenocid në Kosovë. Serbia sot duhet të përballet me të kaluarën e saj, të pranojë të vërtetën, të kërkojë falje dhe të distancohet nga Serbia e Millosheviçit. Vetëm atëherë mund të fillojë pajtimi”, shkruan Kurti.
Gjykata e Kombeve të Bashkuara në Hagë ka dënuar me nga 12 vite burg për seilin nga 2 ish-shefa të shërbimit të sigurimit shtetëror të Serbisë, të akuzuar për udhëheqjen e grupeve paraushtarake gjatë luftërave në ish-Jugosllavi, në vitet 1990. Të dënuarit janë Jovica Stanishiç, 70 vjeç, ish-shef i shërbimit të sigurimit shtetëror të Serbisë, dhe zëvendësi i tij, Franko Simatoviç, 71 vjeç.
SI.E./ReportTv.alKomente
Kjo,qe thot Kryeminsitri Kurti, eshte nje normatitet i natyrshem,por fatkeqesisht morali politike e shteteror serbe eshte vetem nje vazhdimesi e se kalueres se shemtuar politke te Milosheviqit ,Andaj, pasuesit e tij,sot nuk kane mundesi e as deshire te bejne nje ndryshim pozitiv politik e njerezor.
Përgjigju