Sot bëhen 104 vjet nga vdekja e atit të Pavarësisë së Shqipërisë, Ismail Qemali. Kryetari i Bashkisë së Tiranës, Erion Veliaj, së bashku me nënkryetarët Anisa Ruseti dhe Andi Seferi, si dhe kryetaren e Këshillit Bashkiak të Tiranës, Romina Kuko, kryen homazhe pranë bustit të Ismail Qemalit.
Veliaj vendosi një kurorë me lule në nder të njeriut që shpalli Pavarësinë e Shqipërisë.
“Në 104-vjetorin e ndarjes nga jeta të Ismail Qemalit përkujtojmë me nderim veprën e një burri të madh dhe sakrificat e jashtëzakonshme për shpalljen e Pavarësisë së Shqipërisë,” shkruajti Veliaj rrjetet sociale.
Ismail Qemali ngriti Flamurin e Pavarësisë në Vlorë, më 28 Nëntor të vitit 1912 dhe shpalli Shqipërinë shtet të pavarur.
Lajmi kryesor:
Sot 104 vite nga vdekja e Ismail Qemalit, kryeministri i parë shqiptar! Në 28 nëntor 1912 shpalli pavarësinë e Shqipërisë
SI.E./ReportTv.al