Fundi i masave anticovid në 1 qershor është përshëndetuar nga Konfindustria, e cila dy ditë më parë i bëri një kërkesë qeverisë që të lehtësonte masat.
Sipas Konfindustrisë, vendimi është mjaft i vonuar në kohë, duke shkaktuar rritje të paarsyeshme të dëmeve ekonomike dhe financiare plotësisht të shmangshme.
"Konfindustria vlerëson, se masat shtrënguese jopërpjestimore me shkallën e rrezikut real shëndetësor në vend dhe sidomos vonesat e paarsyetuara të kalimit në normalitet, kanë shkaktuar rritjen e paarsyetuar të faturës financiare në dëm të bizneseve, qytetarëve dhe ekonomisë kombëtare në afatgjatë. Sipas vlerësimeve krahësimore me vende të tjera të Rajonit, keqmenaxhimi i krizës ka prodhuar një dëm financiar në të paktën 350 milion $ të llogaritur vetëm për muajt mars-prill 2020. Në vlerën e mësipërme nuk janë llogaritur dëmet financiare të shkaktuara nga vonesat e kalimit në normalitet në muajin maj në vazhdim. Konfindustria ka vlerësuar, se fatura financiare e krizës Covid për ekonominë formale në muajt mars prill është mbi 1.2 miliard $ dhe ekonominë reale mbi 2 miliard $", thuhet në njoftimin e konfindustrisë.
Komente
Pse i vonuar o mjeshter? Edhe pas ketyre diteve te fundit qe ka patur rritje t madhe te rasteve ti akoma nuk je i bindur qe masat ishin te nevojshme?!
Përgjigju