Një person është arrestuar dhe një tjetër është shpallur në kërkim nga Policia e Tiranës, për akuzën e ngacmimit të të miturave.
Një 60-vjeçar me iniciale A.M është arrestuar në flagrancë në Tiranë pasi ka ngacmuar seksualisht një shtetase të mitur. Po ashtu është shpallur në kërkim një 42-vjeçar me iniciale A. M., sepse në rrugën “Pandi Dardha”, ka tentuar të ngacmojë seksualisht një shtetase të mitur.
Sakaq policia e Tiranës ka arrestuar në flagrancë të shtetasin R. D., 39 vjeç, pasi ka thyer masën e sigurisë "Arrest në shtëpi" dhe u konstatua jashtë banese.
Po ashtu më datë 21.03.2021, u referuan materialet në Prokurorinë pranë Gjykatës së Shkallës së Parë Tiranë, për shtetasin D. B., 30 vjeç, pasi në Yrshek, në bashkëpunim me dy shtetas ende të paidentifikuar, kanë goditur me sende të forta shtetasin R. B. Punohet për kapjen e D.B si dhe për identifikimin dhe gjetjen e bashkëautorëve të tij.
Specialistët e Qarkullimit Rrugor bënë arrestimin në flagrancë të shtetasve K. C., 36 vjeç, G. T., 51 vjeç, R. L., 40 vjeç dhe M. Q., 43 vjeç pasi u kapën në flagrancë duke drejtuar mjetet përkatëse në gjendje të dehur.
M.Q./ReportTv.alKomente
Duhet varu me litar dhe te futete gjilpëra inxheksion dhe internim
Përgjigju