Luana Vjollca

Luana Vjollca: Fansi tentoi të abuzonte me mua, kam traumë nga njerëzit që më përndjekin! Nuk dal dot nga shtëpia pa truprojë

20 Maj 2022, 14:55| Përditesimi: 20 Maj 2022, 15:14

  • Share

Luana Vjollca vijon të rrëfejë histori të jetës së saj përmes projektit "Thuaje". Për herë të parë ka zbuluar traumën më të madhe që i ka lënë gjurmë dhe është detyruar që të ketë truprojë pas saj sa herë që del nga shtëpia.

Jo pak herë është përfolur në media se përndiqej nga fansat ndërsa buqeta të mëdha me lule i shkonin vazhdimisht në shtëpi. Por ka pasur raste që shkonin përtej kësaj. Një fans ka shkuar përtej dhe ka tentuar të abuzojë seksualisht me të. Për këtë arsye ka marrë vendim për të ruajtur veten dhe ka kërkuar ndihmë psikologjike për shëndetin e saj mendor sa herë që nuk është ndjerë mirë.

“Nuk do t’i cilësoj fansa këta njerëz që më kanë krijuar një lloj traume, që është mos ta kem jetën time të lirë, të dal rrugëve të Tiranës, Shqipërisë e Kosovës e shoqëruar nga një person që më mbron sepse jam e frikësuar. Jam e frikësuar sepse kam pasur pesë raste në 15 vite, njëri prej të cilëve nuk është bërë mediatikisht i njohur se askush nuk e ka parë po mua më ka lënë një shenjë, një plagë. Ishte përtej asaj që një fans do të bënte. Unë falenderoj zotin çdo ditë që atë mbrëmje nuk kam pësuar asgjë. Por ishte mjaftueshëm që mua të më krijohet kjo traumë, që sot kam nga njerëz që më përndjekin.

Fatmirësisht nuk ndodhi asgjë, por është tentuar që të më…Kam arritur të shpëtoj paq, të iki, të vrapoj, por kur imagjinoj se ka vajza dhe gra që e përjetojnë këtë.... Ajo që më bën të vuaj është sepse unë kalova në një traumë pa e përjetuar ndërkohë që ka njerëz që e përjetojnë”, tha Luana. 

A.M.//ReportTv.al
Komento
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?