Korçë/ Zjarr në pyllin e Bodës në Maliq, zjarrfikësit po përpiqen të izolojnë vatrat! Në terren mbërrin edhe prefekti (VIDEO)

Zjarri ka përfshirë pyllin e Bodës, në Maliq, ditën e sotme. Në vendngjarje ndodhen zjarrfikësit që po përpiqen të izolojnë vatrat e zjarrit, ndërkohë ka mbërritur në terren edhe prefekti i qarkut të Korçës, Nertli Jole.

30 Korrik, 16:07| Përditesimi: 30 Korrik, 16:14

  • Share

KORÇË - Vatra zjarri me intensitet janë aktivizuar në zonën e Maliqit më konkretisht në pyllin e Bodës, ditën e sotme.

Sipas informacioneve mësohet se shërbimi zjarrfikës Maliq ka qenë aty që në çastet e para të sinjalizimit të zjarrit por terreni i thyer malor iu ka krijuar vështirësi.

Punonjësit e zjarrfikëses po përpiqen ta mbajnë nën kontroll zjarrin me mjete rrethanore pasi terreni i thyer malor e bën të pamundur ndërhyrjen e forcave zjarrfikëse me mjetet e tyre ndaj dhe sipas informacioneve është kërkuar ndihmë shtesë për të izoluar vatrat aktive të cilat kanë intensitet.

Aktualisht në terren ka zbritur edhe prefekti i qarkut të Korçës, Nertil Jole i cili po vëzhgon nga afër situatën.

G.K//ReportTv.al
Komento
  • Sondazhi i ditës:

    A jeni dakord të falen gjobat për ndërtimet pa leje në fshat e 'Covid19'?