Një shqiptare ka mbetur e vrarë në Itali nga një sulm me thikë. Ngjarja ka ndodhur në provincën e Raguzës, në Itali, mesditën e sotme.
Sipas mediave italiane 37-vjeçarja shqiptare Bruna Meuca Halla është gjetur e gjakosur për vdekje në rrugë. Dyshohet se ajo është sulmuar nga bashkëshorti i saj përpara shkollës “Rosario”, të djalit të saj 10-vjeçar, megjithatë hetimet vijojnë.
37-vjeçarja është sulmuar me thikë në mes të rrugës, pak përpara se të niste mësimi në shkollë, ndërsa raportohet se është goditur disa herë.
Pavarësisht se është dërguar në spital, 37-vjeçarja nuk ka mundur t’i mbijetojë plagëve të marra.
Autoritetet po punojnë për zbardhjen e ngjarjes së rëndë.
SI.E.//ReportTv.al
Komento
