Gjykata e Lartë e SHBA hedh poshtë kërkesën e Teksasit për të ndryshuar rezultatin e zgjedhjeve në 4 shtete

12 Dhjetor 2020, 09:51| Përditesimi: 12 Dhjetor 2020, 13:58

  • Share

Gjykata e Lartë e SHBA ka hedhur poshtë përpjekjen e republikanëve për të ndryshuar rezultatet e zgjedhjeve në katër shtete të fushës së betejës, të cilët e shpallën fitues Biden.

Procesi gjyqësor, i ngritur këtë javë nga shteti i Teksasit, kërkoi të shfuqizonte rezultatet në Georgia, Michigan, Pennsylvania dhe Wisconsin. Presidenti i zgjedhur Joe Biden fitoi të katër. Procesi gjyqësor u mbështet nga 18 prokurorë të përgjithshëm të shtetit dhe 106 anëtarë republikanë të Kongresit.

Në një deklaratë të shkurtër, gjykata tha se shteti Teksas nuk ka të drejtën ligjore të padisë shtetet e tjera  sepse “nuk ka demonstruar një interes të perceptueshëm nga pikëpamja gjyqësore për mënyrën në të cilën një shtet tjetër zhvillon zgjedhjet e tij”.

Gjyqtarët konservatorë Samuel Alito dhe Clarence Thomas thanë se ata do ta kishin dëgjuar ankimimin e Teksasit, por nuk do të kishin bërë siç dëshironte Teksasi për lënien mënjanë të 62 votave elektorale për Biden nga këto katër shtete. Urdhri i gjykatës ishte i dyti këtë javë që hedh poshtë kërkesat e republikanëve për ndryshimin e rezultatit të zgjedhjeve. Kolegji Zgjedhor mblidhet të hënën për të zgjedhur zyrtarisht Biden si presidentin e ardhshëm.

Zyrtarët në Miçigan, Pensilvani, Xhorxhia dhe Uiskonsin thanë se padia ishte një gjest për konsum publik. Më shumë se 20 prokurorë të tjerë të përgjithshëm nga shtete si Kalifornia dhe Virxhinia gjithashtu paraqitën një dokument të enjten ku kërkonin që gjykata ta refuzonte çështjen.

Me 14 Dhjetor Kolegji elektoral pritet të votoj për presidentin e zgjedhur Biden dhe ai do të marrë drejtimin e vendit me 20 Janar, edhe pse Trump ende refuzon të pranojë humbjen.

//ReportTv.al
Komento
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?