TIRANË- Situata epidemiologjike në vend është përmirësuar ndjeshëm. Në 24 orët e fundit, numri i infektimeve me COVID është ulur, ku vetëm 10 qytetarë kanë rezultuar pozitivë, nga 60 të infektuar një ditë më parë. Për të 16-ën ditë radhazi, në vendin tonë nuk është shënuar asnjë viktimë nga koronavirusi.
Ministria e Shnëdetësisë bën me dije se infeksionet e reja janë identifikuar 6 në Tiranë, 2 në Gjirokastër dhe nga një qytetar në Patos e Himarë.
Aktualisht janë 375 pacientë aktivë me COVID-19 në të gjithë vendin. Në spitalin COVID-3 po marrin trajtim 5 pacientë. Në 24 orë janë shëruar 52 qytetarë, duke e çuar numrin e të shëruarve në 271,306 që nga fillimi i epidemisë.
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.
Statistika (02 Maj 2022)
Raste të reja ditore 10
Të shëruar në 24 orë 52
Të shtruar në spitale 5
Humbje jete në 24 orë 0
Testime ditore 835
Testime totale 1,807,808
Raste pozitive 275,177
Raste të shëruara 271,306
Raste Aktive 375
Humbje jete 3,496
Shpërndarja gjeografike e rasteve aktive sipas qarqeve:
Tiranë 235
Fier 46
Vlorë 35
Gjirokastër 13
Shkodër 11
Elbasan 9
Korçë 9
Durrës 7
Berat 4
Kukës 3
Lezhë 3
