Gjyqtarja Ardiana Bera jep shpjegime për bilancet negative dhe vendimin për 21 janarin
Komisioni i Pavarur i Kualifikimit i kaloi gjyqtares së Gjykatës së Tiranës Ardiana Bera barrë prove për bilance negative në disa vite dhe i kërkoi shpjegime për vendimin si pjesë e trupës që shpalli të pafajshëm gardistët e akuzuar për vrasjet e protestuesve në 21 janar. Bera këmbënguli se kishte pasur të ardhura të ligjshme, ndërsa tha se vendimmarrja e gjykatës mund të kontrollohej vetëm nga një gjykatë më e lartë.